(dansk nedenfor / english below)
Saluton!
Nun Roskilde 2017 vere staras sur la sojlo. Niaj tendaro kaj bazejo estis jam firme metitaj sur Roskildaj festivalaj kampoj kaj atendas vian alvenon post kelkaj tagoj!
Feliĉe la lastaj aĉeteblaj biletoj forvendiĝis marde. Tio signifas ke multaj pli homoj iĝas volontuloj kaj tiel ni plenumos nian teamon dum la venonta semajno.
En tiu ĉi novaĵletero ni donas al vi solidan porcion de gravaj informoj.
Sekurec-kurso
Ĉiun jaron oni devas pasi koncizan interretan kurson pri deĵorado.
La kurso estas nun disponebla en la angla. En la retpaĝo rfelearning.dk vi devas unue krei uzantokonton, enmeti vian retpoŝtadreson ktp. Post kiam vi ensalutos, elektu ‘voluntary work RF2017‘. La pasvorto al la kurso (“enrolment key”) estas “esp”. Por nia teamo plej gravas la parto Access, gates and barriers. Post sukcesa trapaso de kurso vi ricevos atestilon – konservu ĝin.
Notu, ke la anglaligva kurso estas iom malnova – kvankam ĝi estas ampleksa, ĝi enhavas nur bazajn informojn. Pro tio ni ankoraŭ surloke ĝisdatigos kaj ripetos la plej gravaj punktojn, kiuj rilatas specife al niaj taskoj pri kontrolado de homoj en la pordegoj.
Se vi estas danparolanto, vi devas same registriĝi ĉe http://www.rfelearning.dk/ kaj trapasi la kurson “Gæster og sikkerhed” anstataŭ “Voluntary work”.
Biletoj kaj alveno
Se vi ankoraŭ ne rigardis tie, legu pri la alveno al la festivalejo. Ni volus aldoni, ke la personan bileton kun kodo, kiun vi devos montri en la akceptejo, vi ricevos de ni ankoraŭ ĉi-semajne, antaŭ via alveno. Vi montros tiun paperon kune kun via identeckarto por ricevi la brakbendojn. Vi ekhavos du brakbendojn: la unuan por la festivalo kaj la duan por la deĵoranta tendaro.
Vi iru al la bazejo, por ke ni salutu vin kaj aranĝu vian lokon en la tendaro. Jen mapo kun detalaj instrukcioj.
Programo
Jen la ligilo: RF17 Programo
Enskribu en la kolumno N:
– vian atendatan alventempon kaj
– kiujn muzikajn grupojn vi planas/deziras aŭdi.
Informa libreto
Kiel deĵoranto, vi devus koni respondojn al multaj praktikaj demandoj de la festivalaj gastoj. Surloke vi ricevos libreton “Valoras scii” (en la angla), kiu enhavos ĉiujn necesajn informojn. Oni rekomendas porti ĝin ĉiam ĉe si. Jam nun vi povas trarigardi ĝian retan version.
Vestaĵoj
Ĉar ni estas plejparto de tempo sub la ĉielo, tre indas kunporti bonajn vestaĵojn. Noktoj povas malvarmi iom (10-15C), vento kaj pluvo ankaŭ povas malvarmi. Nu, ni kutime bonŝancas kun bela vetero, sed pli bone pripariĝu pri malbona vetero. Aliflanke sunkremo kaj banvestaĵoj ankaŭ utilas!
Valoraĵoj
La organizantoj havas ŝloseblan kesteton en la bazejo. Vi povos tie lasi ekz. pasporton, telefonon, tabulkomputilojn k.s., kiujn vi ne bezonos dum pluraj tagoj.
Komuna fotoalbumo
Kelkaj teamanoj jam vizitis la festivalejon por tre frue starigi la bazejon kaj tendaron. Vidu tion en la komuna fotoalbumo.
Ni invitas vin aldoni foton ankaŭ de vi mem!
(jen la fotoalbumo de RF16)
Kore,
via Roskilde Esperanto-Teamo
(Mariusz, Jacob, Preben, Rasmuso, Gert, Flu, Simono, Kimo, Saŝa kaj aliaj)
English summary
At the dawn of Roskilde 2017 we have a solid portion of information for you.
Please register on the website rfelearning.dk, log in and do the course ‘voluntary work RF2017‘. The enrolment key is “esp”. Mind especially the Access, gates and barriers part. Keep the certificate that you will have received. If you speak Danish, do the course called “Gæster og sikkerhed” instead.
Later in this week you are going to receive a personalized entry ticket for the festival which you will need to show at the Check-in. Then you are going to receive two wristbands: one for the general entry and a second for the volunteer camping. You would better arrive at our base before setting up at the camping place, though.
There will be a possibility to let your valuables in a safe box in our base.
Here is the pdf version of the volunteer booklet that is going to be your main source of information at your workplace.
Here you can find our recent photo gallery.
Dansk
Kære alle,
Så er den sidste billet til Roskilde Festival blevet solgt. Der er udsolgt 🙂
Men… vi har stadig ledige pladser som frivillige ved port 19. Hvis du kender nogle pålidelige folk, der gerne vil være med så send dem forbi http://esperantoungdom.dk/ . På forhånd tusind tak for hjælpen 🙂
Vær med i fores fotoalbum! Vi opdaterer det løbende her bidrag gerne med billeder fra festivalen.
Husk at du skal gennemføre e-kurset “Gæster og sikkerhed” i rfelearning.dk – vi beder dig gøre det senest på søndag – vælg ‘Esperantoholdet DEJO’ som forening. Certifikatet (PDF’en eller bare koden – den ser ud som trkbdBayS6) sendes til os.
For at nå frem til os kan du følge punkt 1 til 4 på kortet her. Medarbejdercamp er på punkt 2 og vores base er på punkt 4/Bazejo – vi regner med at du kommer forbi basen og hilser kort efter at du er ankommet til festivalen.
Mange sommerhilsner
Jacob og resten af holdet
Roskilde Festivalo 