#2 Novaĵletero/Nyhedsbrev RF 2019

(dansk nedenfor)

Saluton!

Restas malpli ol 2 semajnoj ĝis Roskilde! Jen vi trovos kelkajn informojn, kiuj helpos vin bone kaj sekure orientiĝi.

Programo

Jen pretiĝis nia fina teama programo, en kiu krom deĵoroj troviĝas baza kurso de Esperanto, matena jogo kun Flu, ekskurso al Volontula Vilaĝo kaj aliaj komunaj aktivaĵoj: Programo 2019. Enskribu en la kolumno M viajn komentojn/proponojn kaj alvenhoron.

Telegram-grupo

Ni komunikas per telegramo – aliĝu ĉe https://t.me/joinchat/AAAAAEMQ8IZlLwmGTytH0g

Festivala bileto = brakbenda dokumento

Vi ricevos ĝin baldaŭ, antaŭ la festivalo elektronike en via People-konto.

Vi devas montri ĝin (presitan aŭ per telefono), kune kun pasporto aŭ alia bilda identigilo, en la Check-in akceptejo por ricevi fizikan brakbendon.

Vi ankaŭ ricevas senpagan T-ĉemizon.

Alveno kaj ricevo de brakbendoj

Tie ĉi troviĝas: detala vojpriskribo, aktuala mapo de plej gravaj lokoj

Mallonge – la konsilinda sinsekvo de alveno estas:

  1. Akceptiĝi ĉe Check-in (numero 1 sur la mapo) por ricevi festivalan brakbendon,
  2. Iri al nia bazejo  (numero 3) por akceptiĝi en la teamo kaj ricevi tendaran brakbendon,
  3. Iri al la tendaro (numero 4) por elekti tendon kaj lasi la pakaĵojn.
  4. Nia pordego 19/Apollo (numero 2)

Jen alia mapo:

Dekste supre () estas Check-In, kie vi ricevos vian brakbendon.
Maldekstre malsupre estas nia loĝejo ( ) kaj bazejo ()

Se vi ne elektis loĝi en la deĵoranta tendaro, post vizito en la bazejo direktiĝu al la ĝenerala senpaga tendejo por dismeti vian tendon.

Kaze de problemoj, telefonu al membro de nia organiza teamo:

Simono: +45 52227575

Rasmus: +45 2240 0777

Jacob +45 2620 6512

TRE GRAVA INFORMO PRI BRAKBENDOJ

Brakbendon vi ricevas nur unufoje kaj ne eblas ricevi novan se vi perdos ĝin. Se ĝi rompiĝos, nepre NE FORĴETU ĜIN, sed tenu ĉe vi. Rompita brakbendo povas esti senprobleme ŝanĝita en la akceptejo. Se vi ne havos ian ajn brakbendon, vi ne plu rajtos eniri la festivalejon kaj neniu faros escepton por vi.

Se vi rimarkas, ke estas danĝero de rompiĝo de brakbendo, tuj reagu kaj faru ion ajn por ne perdi ĝin por ĉiam. Kaj kompreneble iru tuj al la akceptejo por ricevi novan.

Pri la deĵoranta tendaro – tenda sistemo

La tendaro troviĝas tre proksime de la bazejo, ĝi staras en la angulo de la kampo sur la mapo, ĉirkaŭ karakteriza, pinta, blanka tendo de Simono – por iri al la ĝusta loko, trovu precize numeron 4 sur la mapo kaj rigardu la foton.

En la tendaro regas “memserva” metodo de elektado de tendoj. Ĉiuj niaj tendoj havas verdan stelon kaj/aŭ ŝildon el glubendo, kie legeblas nomo de la persono jam loĝanta ene. Vi povas aliĝi al tiu persono, se li aŭ ŝi konsentas. Se estas neniu surskribo, la tendo estas libera kaj vi rajtas uzi ĝin. Ne forgesu alskribi vian nomon sur la glubendo. Skribilo kaj glubendo (kaj aerpumpilo por aermatrocoj k.s) troviĝas ĉiam en la granda ronda blanka tendo de Simono.

Se vi havus problemojn pri trovado de ĝusta tendo, kontaktu iun de la organiza teamo en la bazejo. Tamen, nokte kaj frue matene neniu okupiĝos pri disponigado de lokoj en tendoj, do ekdormu en kiu ajn de niaj liberaj tendoj kaj venu al la bazejo matene.

La bazejo ne estas por stoki pakaĵojn aŭ personaĵojn, bonvolu lasi ilin en via tendo, precipe kiam vi iras deĵori.

Preparado por la deĵoroj

Kiel vi vidas en la programo vi devas marde la 2-an partopreni Instruadon pri deĵoroj. Estas DEVIGA PARTOPRENO – oni devas doni apartan, skriban (kaj bonegan) kialon se oni ne povas partopreni. Jen provizora instruo (ŝanĝota).

Jen ankaŭ la Gvidlibro por volontuloj (angla versio)

Vestaĵoj

Ĉar ni estas la plejparton de tempo sub la ĉielo, tre indas kunporti bonajn vestaĵojn. Noktoj povas malvarmi iom (10-15°C), vento kaj pluvo ankaŭ povas malvarmi. Nu, ni bonŝancas kun bela vetero, sed pli bone prepariĝu por malbona vetero. Aliflanke sunkremo kaj banvestaĵoj ankaŭ utilas!

Valoraĵoj

Ni rekomendas uzi komunan gardejon de valoraĵoj en la deĵoranta tendaro, pri kiu okupiĝas festivalaj volontuloj – tiam vi povos depreni ekz. vian saĝtelefonon eĉ meze de nokto.

 

Ĝis baldaŭ!

 

Kore,
via Roskilde Esperanto-Teamo

DANSK

Kære alle, så er der under to uger til Roskilde, og vi glæder os!

Vi har lavet et kort over hvor vi er så du kan finde os. Vi regner med at du kommer forbi basen og hilser kort efter at du er ankommet til festivalen (nummer 3 Bazejo på kortet).

Armbånd

Torsdag 27/6 får du tildelt armbånd, evt medarbejdercamp + en gratis T-shirt. De hentes ved at logge ind på people-vol.roskilde-festival.dk og vise PDF’en ved Check-In (nummer 1 på kortet).

Vigtig information: Hvis du mister dit armbånd, så får du ikke et nyt. Du skal BEVARE DET ØDELAGTE ARMBÅND og bytte det i Check-in så hurtigt som muligt. Husk ID.

Vigtige resurser

Vagtinstruks – Obligatorisk fremmøde tirsdag den 2. juli

Du har mødepligt tirsdag den 2. juli klokken 12 i basen hvor vagtsinstruksen bliver gennemgået. Kan du ikke komme skal vi have et begrundet skriftligt afbud i god tid.

I Guide til frivillige 2019 er alle de informationer, du skal bruge, når du skal hjælpe dig selv, dine medfrivillige og deltagere på vej i festivalbyen.

Hvad er esperanto?

Vi arrangører, og cirka halvdelen af deltagerne, taler esperanto. Det er et internationalt neutralt sprog, som er langt lettere at lære end nationalsprog som engelsk eller fransk.

Som du kan se af programmet er der også lynkursus i esperanto i dagene op til vagterne starter.

 

Mange hilsner fra
Esperantoholdet på Roskilde

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Ŝanĝi )

Google photo

You are commenting using your Google account. Log Out /  Ŝanĝi )

Twitter picture

You are commenting using your Twitter account. Log Out /  Ŝanĝi )

Facebook photo

You are commenting using your Facebook account. Log Out /  Ŝanĝi )

Connecting to %s