Novaĵletero / nyhedsbrev #7

Resaluton!

Tuj antaŭ la festivalo ni volas informi vin pri ankoraŭ kelkaj etaj teknikaj solvoj, kiuj certe faciligos vian alvenon.

Tenda sistemo

Se vi havas pezan pakaĵon, bonvolu iri post akceptiĝo en “Check-in” unue al nia tendaro proksime al la ventomuelilo, kaj ne rekte al la bazejo. Ankaŭ se via pakaĵo ne tre pezas, vi povas unue iri elekti tendon. Ekde vi trovos la karakterizan tendon de Simono (sur la foto), vi estos en la ĝusta loko (kontrolu ĉi-tie sur la mapo kun vojpriskribo).

Se en la tendejo estos iu de la organiza teamo, tiu persono helpos al vi elekti tendon. Se momente neniu ĉeestos, vi rajtas lasi viajn pli grandajn pakaĵojn en la tendo de Simono (granda, ronda tendo kun pinto) por poste transmeti ĝin en vian tendon, pri kies elekto ni helpos al vi.

Nokte ni ne okupiĝos pri disponigado de lokoj en tendoj, do ekdormu en kiu ajn de niaj liberaj tendoj kaj venu al ni matene.

Ni enkondukis ankaŭ “memservan” metodon por trovi tendon por si, eĉ frue matene kaj malfrue nokte. Ĉiu de niaj tendoj havas glubendon sur si,  kaj tie legeblas nomo de persono jam loĝanta ene. Vi povas aliĝi al tiu persono, se li aŭ ŝi konsentas. Se estas neniu surskribo, la tendo estas libera kaj vi rajtas ekokupi ĝin la unua. Nur ne forgesu alskribi vian nomon sur la glubendon. Skribilo troviĝos ĉiam en la tendo de Simon.  Poste informu nin, en kiu tendo vi loĝos.

Resume: pli gravas, ke vi havas dormlokon, ol ke vi tuj akceptiĝas en nia bazejo. Vi rajtas akceptiĝi ĉe ni poste (se vi venas meze de nokto, trovu nin  matene, ĉar nokte neniu deĵoros en la bazejo).

La konsilinda sinsekvo estas do: akceptiĝi ĉe Check-in, iri al la tendaro lasi la pakaĵojn, iri al nia bazejo por akceptiĝi en la teamo, reveni al la tendejo por ekloĝi en sia tendo.

BRAKBENDOJ – TRE GRAVA INFORMO

Vi ricevas vian brakbendon nur unufoje. Se ĝi rompiĝos, nepre NE FORĴETU ĜIN, sed tenu ĉe vi. Rompita brakbendo povas esti senprobleme anstataŭita per nova en la akceptejo. Se vi ne havos ian ajn brakbendon, vi ne plu rajtos eniri la festivalejon kaj neniu faros escepton por vi. Kiam vi rimarkos, ke estas danĝero de rompiĝo, tuj reagu kaj faru ion ajn por ne perdi ĝin por ĉiam. Kaj kompreneble iru tuj al la akceptejo por ricevi novan.

Sekureckurso

Ni ankoraŭ ne registris multajn personojn, kiuj trapasis la kurson kaj ricevis atestilon. Bonvolu ne prokrasti tion, ĉar povos esti malfacile fari la kurson surloke per pli malrapida interreto.

Valoraĵoj

Kiel skribite antaŭe, ni havos nian sekuran keston por valoraĵoj. Tamen ni ne garantias, ke oni ĉiam povos aliri ĝin rapide. Pro tio ni rekomendas uzi ankaŭ komunan gardejon de valoraĵoj en la deĵoranta tendaro, pri kiu okupiĝas festivalaj volontuloj – tiam vi povos depreni ekz. vian saĝtelefonon eĉ meze de nokto.

Aliaj utilaj informoj

Informa libreto por volontuloj (en la angla)

Mapo de la festivalejo

Kore,
via Roskilde Esperanto-Teamo
(Mariusz, Jacob, Preben, Rasmuso, Gert, Flu, Simono, Kimo, Saŝa kaj aliaj)

English summary

Just a last-minute update.

Firstly, it is more important that you leave your luggage and find your tent to sleep in our volunteer camp than to get accepted at our base – especially if you arrive at a time when nobody of us is there at the tents. Our tents are marked with names written on pieces of tape. You can simply find a free one and put your name on it. The luggage can be left in the biggest round tent – compare with point 2 on the route description.

Secondly, please DO NOT EVER THROW YOUR WRISTBAND OUT when it falls off. In such case, you are not going to receive another one. If you see that it is getting broken, you have to keep it at any cost! Then of course go to the Check-in to get a new one.

Information sources:

Volunteer’s booklet

Festival map

Dansk

Kære alle,

sidste opdatering:

hvis du bor hos os på medarbejdercamp, kan du forlade din bagage i det store telt først, for at ikke bære det til basen – kig på kortet med vejledninger.

Og en viktig information til: hvis du taber dit armbånd, så får du ikke et nyt. Du skal alltid BEVARE DET ØDELAGTE ARMBÅND og hente det til Check-in så hurtigt som muligt.

Viktige resurser:

“Værd at vide” bogen på dansk

Festivalens kort

Hilsen,

Mariusz og resten af holdet

Advertisements

Respondi

Fill in your details below or click an icon to log in:

WordPress.com Logo

You are commenting using your WordPress.com account. Log Out / Ŝanĝi )

Twitter picture

You are commenting using your Twitter account. Log Out / Ŝanĝi )

Facebook photo

You are commenting using your Facebook account. Log Out / Ŝanĝi )

Google+ photo

You are commenting using your Google+ account. Log Out / Ŝanĝi )

Connecting to %s